साखळी चित्रकाव्यलेखन स्पर्धा – तितिक्षा इंटरनॅशनल, पुणे
चित्र क्रमांक : ३
दिनांक : २०/१२/२०२५
शीर्षक : राष्ट्राचा कणा
काव्यप्रकार : मुक्तछंद
मातीच्या कुशीत डोलणारी पिकं,
सीमेवर कोट उभा करणारी छाती—
प्राणाच्या किमतीवर उभी राहिलेली;
एकाच राष्ट्राची दोन निःशब्द शिल्पं.
एक हात नांगर धरतो,
दुसरा हात बंदूक;
दोघांच्या मनात एकच ध्यास—
देशासाठी प्राण, देशासाठी अभिमान.
घामाने भिजलेली शेतजमीन,
भुकेशी लढण्याचं बळ देते.
रक्ताने ओलावलेली सीमा
भीतीला परतावून राष्ट्र उभं ठेवते.
केशरीत त्यागाची ज्वाला,
पांढर्यात शांतीमय प्रकाश,
हिरव्यात समृद्धीची स्वप्नं—
यांचा पाया जवान आणि किसानच.
गोळी झेलणारा सैनिक,
दुष्काळाशी झुंजणारा शेतकरी—
इतिहासाच्या पानांचा गौरव
तेच राष्ट्राचे खरे महानायक.
©गुरुदत्त दिनकर वाकदेकर, मुंबई
दिनांक : २०/१२/२०२५ वेळ : १०:४४
Post a Comment