कविता - “वंद्य डॉ. प्रागजी वाजा” – वाढदिवसानिमित्त काव्यांजली

आज १२ जुलै २०२५, डॉक्टर प्रागजी वाजा यांचा वाढदिवस आणि त्यानिमित्ताने त्यांच्या कार्याचा गौरव करणारी माझी स्वरचित कविता सादर करत आहे.

“वंद्य डॉ. प्रागजी वाजा” – वाढदिवसानिमित्त काव्यांजली

तुम्ही झर्‍याचं पाणी –

गगनातून झरत,

मृदू मातीत मिसळता

पाषाणांतून उमलत…

शब्दांतून श्रद्धेचं सूर साकारता.

रक्तदानाच्या अनेक गाथा,

आरोग्याच्या शुभ संकल्पनांशी नाते,

तुमच्या स्पर्शाने वाहतो

जीवनदायिनी शाश्वत झरा –

जिथे सेवा होते धर्म,

आणि करुणा होते कर्तव्य.

तुम्ही होते कोविड योद्धा,

फक्त मास्क-ग्लोव्हजमधे नाही,

तर हृदयाला कवच बांधलेले –

भेदरलेल्या आसवांच्या सागरात

हात होतात तुम्हीच सावरणारे.

रुग्णसेवेची अविरत वाटचाल,

शेकडो जीवांशी नातं…

मरणाजवळून परतवली

हजारो आशांच्या श्वासांची माणसं.

अनेक संस्थांचा तुम्ही आधारस्तंभ,

उदात्त कार्यपथांचे सृजनपीठ,

तुमचं नाव म्हणजे

प्रेरणेचे लौकिक व्यासपीठ.

समाजाच्या वेदनांना

औषधांचं नव्हे –

आपुलकीच्या पाण्याचं शिंपण करणारे,

मित्रांचे मित्र,

समाजसेवक नव्हे तर

समाजभूषण तारे!

तुमची कामगिरी

पुरस्कारांच्याही सीमा ओलांडणारी,

पण तरीही गौरव झाले –

कृतज्ञतेचे सुवर्ण साक्षीदार होऊन,

अनेक मान्यतांनी तुमचं तेज

अधिक झळाळून गेले.

तुम्ही उगम आहात

संवेदनेच्या प्रकाशाचा,

एका ध्यासाची दिशा –

जी काळाच्या तिमिरात

अजून अधिक तेजाळते.

तुमच्या हास्याच्या कवडशांत

जखमांनाही आश्वासक ओल,

वेदनांना शब्द सापडतात

आणि दु:खं होतात गाणं.

शब्दांचे डॉक्टर –

हृदयांचे विशारद,

तुमचं नाव घेताच

मनात नतमस्तकता उमटते,

नजरेत दीपज्योती

आणि ओठांवर “धन्यवाद!” उमटते.

आज या शुभक्षणी,

काळसुद्धा थांबून पाहतोय –

कारण जन्माला आलेली

ती प्रतिभेची संध्या,

आज पुन्हा तेजाळतेय…

वाढदिवसाच्या पावलांनी

अनंत आशीर्वाद घेऊन

तुमचं आयुष्य

अजून कित्येकांच्या आयुष्यात

तेजाचा दीपस्तंभ ठरो.

©गुरुदत्त दिनकर वाकदेकर, मुंबई

दिनांक : १२/०७/२०२५ वेळ : ००:५४